賽事簡評
呢場搏10宜春之星
呢隻馬第一季嚮高柏新馬房而有幾次接近表現，後黎轉去丁冠豪馬房之後又因傷患，今季只跑了3次，理論今季耗力唔多，上次只係因為氣管大量血，所以表現唔好。
咁當然，佢今次跑有冇血就真係唔知，但現時倍率有 12、3倍，今場得 3 隻馬贏過田泥1200，對手唔強，隻馬又有一檔，又係擺前走守好位既馬，個人認為搏少少抵玩。
投注：
- 連贏及位置Q互串「2理想回報，8一路順風，10宜春之星，11勁得手」
- 獨贏及位置「10宜春之星」
admin
2020年5月24日第十場-加州萬里讓賽
賽事簡評
呢場搏多次隻5美麗甜心。
比起上次，呢隻馬今次形勢可能較好，上次都有多隻嚮前面放，但今次佢應該可以單騎領放到，加上用牌仔減多10磅，有著數。
投注：
- 連贏及位置Q互串「1美麗精神、3美麗笑容、5美麗甜心、12真妙星」
- 獨贏及位置「5美麗甜心」
2020年5月20日第三場-大城石澗讓賽
賽事簡評
呢場我覺得形勢有點亂，有3隻馬想搏。
熱門果兩隻其實唔穩，如果雷狗同田雞搶放，扯快左，九成又爆到傻，仲要唔知陳嘉熙同黃浩蝻會唔會搶放埋一份。加上果兩隻馬都跑得密，夠唔夠體力捱幾鋪就真係見人見智！
所以搏冷好過！
7鵲橋飛渡
呢隻馬其實去到呢個評分點會贏唔到，玩呢隻馬係搏佢攝到二疊二位，未段爆一野過前面力弱放頭馬。
10天地同心
之前跑谷草1650都有2次近過，負輕磅守好位有競爭力，上次係未段塞塞地，先無左位置。
2一見傾心
表面睇，呢隻馬潘狗騎都有十幾倍，似支持到無乜，但佢騎呢隻馬之前騎得好好仲贏埋，如果早段步速偏快，呢隻後上馬反而可以睇住前面黎食。
投注：
- 連贏及位置Q互串「2一見傾心，7鵲橋飛渡，10天地同心」
- 獨贏及位置「2一見傾心，7鵲橋飛渡，10天地同心」
2020年5月20日第一場-山貝河讓賽
賽事簡評
呢城選搏6銀時。現時賠率7倍以上，買 WP 抵玩。
呢隻馬上場傷患復出，體力充足下，走勢不俗。
唯一不足之處係呢隻馬上場頭段有少少搶口，用多左少少力，加上未段騎得略嫌唔夠狠！今場潘頓揀騎，必定心中有馬，加上佢疆繩好，睇下可唔可以留隻馬順少少，未段大大力車落去，睇下可唔可以幫呢隻來港70分既馬贏返場！
投注：
- 連贏及位置Q互串「5紅星，6銀時，7天賜寶，8濃有」
- 獨贏及位置「6銀時」
2020年5月17日第四場-黃麻地讓賽
賽事簡評
呢場會選搏5皆旺財。呢隻馬贏馬果場係谷草1200，跟前守好位贏，但最近嚮谷草早般前速表現一般，未能佔到好位。
今次轉跑1400，照計應該帶到頭跑，加上用牌仔減磅，有望能偷雞一放到底。
隔夜賠率獨贏53倍，位置都有11倍，睇下呢鋪有無得刀仔鋸樹！！
投注：
- 連贏及位置Q互串「2明欣賞，5皆旺財，9紅衣震撼，13電路一號」
- 獨贏及位置「5皆旺財」
2020年5月17日第三場-黃竹灣讓賽
賽事簡評
呢場明顯無咩實力特出之馬，唯有搏負最輕磅放頭馬11惜多福。
呢隻馬成季出賽唔多，而且未次都表現麻麻。但係睇返其實佢每次大敗都係排外檔，反而內檔出賽則只輸幾個馬位。
今次難得抽返次1檔兼負111磅，其餘2隻有機會放頭既馬都負頂磅，所以呢隻11惜多福有望一放到底偷雞。
投注：
- 連贏及位置Q互串「2福喜多多，7醒目再臨，8木火同明，11惜多福」
- 獨贏及位置「11惜多福」
暑期刨馬
今季馬季話咁快已經臨近尾聲，轉眼間已經只剩二十次左右。馬仔抖暑果一個半月，賭仔可以做D咩？大家會點為下季賭馬作出準備，來季斬殺狗會？
嚮第一年玩馬仔後，我曾經on99咁嚮暑假寫過程式去拎馬會三年賽事資料研究，個程式大概足足行左幾日。但係拎完資料之後，發覺無從入手，亦都睇唔到由邊一個參數(跑道、騎師、馬房、負磅…)入手研究好，所以拎完D資料都無乜詳細研究。
之後兩年，雖然賭馬多左，但人大左亦都懶左，唔係幾想諗野。但係玩馬多左，發覺太舊既資料根本無用，最簡單，騎師同練馬師每年都改變緊，所以指向性不大。再者狗會網站更新後，我個程式都行唔到，所以無再搞個程式。
呢兩年暑假，我轉為睇最近一季既馬仔評分升跌，因為搵到評分有利既馬，嚮季初好多時都搵到食。馬房好多時有D馬可能用成季時間減分，到新一季先搵食。同時亦都睇下有無咩跑近過但名次長期都後既馬，呢D都有成為新一季食餬既冷馬潛質。
嚮睇既時侯，我都會整理埋果堆馬既資料去自己既 Google Sheet，同時記錄低邊隻馬值得下季追，之後來季用 EXCEL Formula 同排位表對。但一季都有大約 1300 隻馬要睇，都幾乎要睇同整足三個禮拜。
雖然唔係場場得，但有時都扑到冷馬。
而家大數據年代，個個都話 BIG DATA 同 AI，可能遲D都要諗下 AI 幫唔幫到手，初步可能試下用 TensorFlow 玩下，但係要睇下有無時間玩先得。
睇馬，你會睇邊一樣先？
如果條問題係”睇女人，你會睇邊一個部位先？”我相信答案不外乎波、腳同樣，是但一樣！如果係都要話咩睇頭髮或耳仔先果 D 大哥，我只能寫個服字比你。
但睇馬呢？我諗人人睇既野都未必一樣。
我自己睇一場馬，我最先會睇多數都係速勢走位圖先！有時都好佩服整果幅圖既 program logic ，雖然唔係次次都估得中形勢，但我諗命中率都有6成左右 。(利申：只憑自己的估計同感覺）
當然，有D馬明明後上，死都要轉放頭咁無得好講(呢個情況，成日發生嚮某雷同某潘身上，但最仆街係狗會問都唔問，比著發生嚮弱勢華將身上，放快少少都怒屌完又要停賽）
我睇幅速勢走位圖先，其實最主要想估下果場馬形勢先。首先，我又唔係咩馬評家，你叫我睇隻馬有無神氣，乜鬼野毛水靚唔靚，我自問無咁既知識同本事，我只係一個賭仔，想靠幅圖睇下果場步速對放頭馬有無著數，有無咩熱門馬係表面靚檔，但其實有機會未段塞死之類。從而睇下揀唔揀到一D比人睇低一線，但有機會靠形勢有著數情況偷雞既冷馬。
始終賭搏，應該以刀仔鋸樹，以小搏大原則黎玩，買熱門，可能WIN得兩倍多少少；講真咁既倍率倒不如買波，讓球盤機會都係二個選擇揀一，至少可以用 Kelly criterion 諗下，中既機會都高D。
大家平時會用咩工具度馬？
賭馬工具
現今科技發達，社會進入大數據年代，無論工作定娛樂都離不開網絡資訊。
究竟賭仔度馬既工具隨著年代變遷有無改變呢？
常見度馬工具
- 排位紙
- 馬簿
- 報紙入面既馬報
- 網上馬報
- Facebook Page 賭仔分享 （https://www.facebook.com/%E6%88%91%E7%9A%84%E8%B3%AD%E9%A6%AC%E6%97%A5%E5%B8%B8-1971219646504250/?ref=bookmarks）
- 網上Forum
- 馬會網數據
- iPad App – Racing Touch (https://apps.apple.com/hk/app/racing-touch/id654658679)
我自已賭馬唔算好耐，只係玩左 3 年，用開都係 7馬會網數據，8 Racing Touch多。
比較少買排位紙同馬報，因為搵資料慢D。馬簿都係去狗場食飯先買下，懶得拎 iPad出街！